آدم خلق النبى مرسل معاه علمين
إدريس رفع مكانه أعلى من العلمين
ونوح بعده صدق وعده مع العالمين
عاش تسعميه خلاف خمسين من عمره
صنع سفينة النجا وطال لأجلها عمره
وأنظر ليونس فى بطن الحوت ربنا بس اللى طال عمره
صالح وهود أنبيا ولوط معاه يحيى
أيوب صابه البلا بعد العدم يحيى
كتب لموسى النجا فى بيت الفرعون يحيى
مات أربعين من داوود عوض عليه ربه
أداله سليمان حكم الجان والدنيا وما فيها
يوسف حكم مصر بعد ما سجن فيها
إسحق يعقوب شعيب هارون قاسوا العذاب فيها
ذو القفل وإلياس ومتنساش زكريا
دا عيسى لما أتولد كان موجود زكريا
بس نرجع لأبونا إبراهيم لما رموه فى النار
المولى نجاه م الكرب العظيم والنار
دا جد للمصطفى يا خلايق وإزاى تمسه النار
خلف عليه بإسماعيل من أمنا هاجر
وهوا لسه رضيع أمره الكريم يهاجر
ياللى أنتا مكدب كلامى قوم بينا على مكه نار
تخش الحرم تلقى أثارهم جوه الحرم بدليل
تلقى مقام إبراهيم منور وحجر إسماعيل بدليل
أثار نبينا التمامى خاتم المرسلين
محمد اللى إتولد .. محمد اللى إتولد .. محمد اللى إتولد رحمه للعالمين
